Türkiyə yığmasının futbolçuları və Şenol Günəş karantinə alınıb
Türkiyə yığmasının futbolçuları və baş məşqçisi Şenol Günəş karantinə alınıb.
Newspress.az-ın Türkiyə Futbol Federasiyasının rəsmi saytına istinadən verdiyi məlumatına görə, buna səbəb həmin şəxslərin koronavirusa yoluxan Xorvatiya yığmasının müdafiəçisi Domaqoy Vida ilə təmas qurması olub.
Dünən İstanbulda baş tutan qarşılaşmanın (3:3) fasiləsində koronavirus testinin nəticəsinin pozitiv çıxdığı öyrənilən və bu üzdən əvəzlənən Vida ilə görüş ərzində təmas quran “ay-ulduzlular”ın bütün üzvləri kollektivdən uzaqlaşdırılıb. Baş məşqçi ilə yanaşı, adları açıqlanmayan oyunçular milli komandaların Rivadakı bazasında karantinə alınıblar. Bu gün onlardan növbəti test götürülüb. Testin nəticəsi açıqlandıqdan sonra buna uyğun addımlar atılacaq.
Qeyd edək ki, Türkiyə yığması Millətlər Liqasının son iki turu çərçivəsində noyabrın 15-də Rusiya, 18-də isə Macarıstanla qarşılaşacaq.
Tarix: 2020-11-12 16:34:50 Oxunub: 611 dəfə
SON XƏBƏRLƏR
ƏN ÇOX OXUNANLAR
Sorğu
REKLAMLAR
