"Brent" neftinin orta qiyməti proqnozları yüksəldib
ABŞ-ın Energetika Nazirliyi yanında Energetika İnformasiyası Administrasiyasının (EIA) proqnozlarına görə, qlobal neft hasilatının artması dünyada neft ehtiyatlarının azalmasının qarşısını alaraq cari ilin ikinci yarısında daha balanslaşmış neft bazarına yol açacaq.
Newspress.az xəbər verir ki, bu barədə EIA-in aylıq hesabatına deyilir.
Qeyd olunur ki, may ayında "Brent" markalı neftin bir barelinin orta spot qiyməti 68 ABŞ dolları təşkil edib ki, bu da aprel ayı ilə müqayisədə 4 dollar çoxdur. Önümüzdəki aylarda EIA qlobal neft hasilatının artan qlobal neft istehlakı səviyyəsinə uyğun artacağını gözləyir.
"Biz "Brent"in qiymətinin 2021-ci ilin III rübündə cari səviyyələrə yaxın qalaraq ortalama 68 dollar təşkil edəcəyini gözləyirik. Lakin 2022-ci ildə biz "OPEC+"ın hasilatının davamlı artması, ABŞ-ın şist nefti hasilatını sürətləndirməsi və digər ölkələrin hasilatı artırması yavaşlayan qlobal neft istehlakının artımını ötəcəyini və azalan neft qiymətlərinə yol açacağını gözləyirik. Bu faktorlara əsaslanaraq, biz "Brent"in 2022-ci ildə orta qiymətinin 60 dollar olacağını gözləyirik", - hesabatda deyilir.EIA 2021-ci il üçün "Brent"in orta qiyməti üzrə proqnozunu 62,26 dollarda 65,19 dollaradək artırıb.
Hazırda "Brent" neftinin ixracına dair 2021-ci ilin avqust müqaviləsinin dəyəri 72 dollardan çox təşkil edir.
Tarix: 2021-06-09 10:03:07 Oxunub: 1160 dəfə
SON XƏBƏRLƏR
ƏN ÇOX OXUNANLAR
Sorğu
REKLAMLAR
